Plantun de Prouvènço

Pèr coumpara dos planto d'encò nostre

Asperula cynanchica subsp. cynanchica & Anthemis secundiramea

Asperula cynanchica subsp. cynanchica

Rubiaceae

Noms en français : Aspérule à l'esquinancie, Herbe à l'esquinancie.

Descripcioun :
L'erbo-de-l'esquilènci es uno planto proun coumuno, mai pas toujour bèn couneigudo, que trachis dins li tepiero seco de colo e de mountagno. Li lòngui tijo, carrado e primo, porton d'inflourejado de poulìdi flour roso emé un long tube. Li fueio d'en bas soun verticilado alor que li di ramo d'en aut soun óupousado.

Usanço :
Ero uno erbo couneigudo pèr sougna l'esquilènci, valènt-à-dire li poustèmo (acamp) di gaio dóu còu (amidalo).

Port : Erbo
Taio : 10 à 60 cm
Fueio : verticilado
Tipe bioulougico : Emicriptoufite
Cicle bioulougico : Planto renadivo

Gènre : Asperula
Famiho : Rubiaceae

Coulour de la flour : Roso
Petalo : 4
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Roucaio - Paret - Champ
Estànci : Mesoumediterran à Subaupen
Couroulougi : Éurimediterranenco
Ref. sc. : Asperula cynanchica subsp. cynanchica L., 1753

Uei-de-vaco(-di-ramo-virado)

Anthemis secundiramea

Asteraceae Compositae

Autre noum : Margaridié.

Nom en français : Anthémis à rameaux tournés d'un même côté.

Descripcioun :
Aquest uei-de-vaco rebalo belamen au sòu dins li pòchi d'argielo mesclado à l'areno, au mitan dóu cauquié de ribo de mar. D'en proumié se recounèis à si ligulo gaire noumbrouso e escartado lis uno dis autro. Pièi alucas peréu li fueio espèsso qu'an ges de péu (mai pas li cambo !) e que soun proun picoutado. La planto èi marcado sus la listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 1 à 8 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Anthemis
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) enflourejado : 1 à 1,5 cm
Flourido : Printèms

Sòu : Ca
Autour basso e auto : 0 à 50 m
Aparado : Noun
Abriéu à jun

Liò : Mar - Sablo - Argielo
Estànci : Mesoumediterran
Couroulougi : Estenoumediterrano
Ref. sc. : Anthemis secundiramea Biv., 1806

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Asperula cynanchica subsp. cynanchica & Anthemis secundiramea

CCC

Coumpara Erbo-de-l'esquilènci emé uno autro planto

Coumpara Uei-de-vaco(-di-ramo-virado) emé uno autro planto